Nan lokazyon 23 zyèm anivèsè l, Bibliothèque de l’IPDEC ap òganize yon semenn aktivite kiltirèl/ entèlektyèl pou make prezans li nan Depatman Sid la, komin Okay anpatikilye. Nan kad semenn selebrasyon sa a, direksyon an mete deyò yon kalandriye ki gen arevwa ak kozri, atelye ekriti, pwojeksyon fim, teyat oubyen espektak nan lari, Jenès ak Ar soti lendi 24 avril la pou fini dimanch 30 avril k ap rive la.
Okay, 24 avril 2023
Pou demare semenn 23zyèm sekebrasyon sa a se ak Powèt/ Womansye Jean Amorce Dugé li ap louvri ak yon kòzri sou matonton Konpozitè/ Chantè/ Mizisyen Robert Molin, yon atis angaje, jodi lendi 24 avril 2023 a, sou tèm “Robert Molin, artiste- engagé, témoin de son temps”. Nan rès jou yo ap gen womansye « La petite fille bleue », Luis Bernard Henry k ap anime yon atelye sou ekriti, Konpayi Teyat Kreyòl (KTK) k ap la pou jwe pyès ekriven Francketienne « Fou ki fou » men se nan mwa me k ap vini la. Konferans sou jan literè « Lodyans » ak Moris Siksto, pwojeksyon dokimantè sou jounalis, ap gen Wenchel Jean Baptiste, James Francisque, Rodney François pou nou site entèvenan sa yo.
Nan pil enstitisyon ki te sibi gwo domaj apre pasaj tranblemantè 14 out 2021 an, bibliyotèk IPDEK se youn. Dega yo te enpòtan. Aprè kèk vire won, ansyen Delege Depatman Sid la, Serge Chéry akeyi l nan yon espas nan Konplèks Administratif la yon fason pou bibliyotèk ka kontinye sèvi plizyè santèn jenn ekolye kou inivèsitè.https://radiotelemontagna.com/?p=1618&preview=true
Pou Direktè a, Jean Verra Charles ki reponn kesyon radyo Montagna, akòz sitiyasyon ensikirite jeneralize a, zanmi lwen bibliyotèk la tankou grandèt ekriven selèb yo p ap ka vin selebre ak yo jan sa konn ye nan 20 dènye lane yo. Men y ap make jou a ak resous lokal yo ki pa machande sèvis yo. Lide a daprè l se pou Bibliyotèk la rete vivan nan kominote a.
Pou responsab relasyon piblik la, Joseph Wesberge Mitzi, se 23 lane kote y ap eseye kenbe yon flanbo pou lite anba kolonizyon mantal , akiltirasyon ak anpil lòt anko .23 lane sa se fyète yo kòm moun nan sid ki jwen flanbo IPDEC k ap klere chimen jenn yo.
Pawòl la di, « konson pa pou ou, pa gen fè egzibisyon ». Kòm legliz katolik trible yo, nan pa ba dirijan yo lokal yo t ap peye depi plis pase 23 lane a men tou espas lameri te swete bay la tou bloke. Si youn nan yo te kenbe, yo t ap byen fete detan yo ap imajine pwochen espas pou lakilti kontinye fleri nan Depatman Sid la, 3zyèm vil peyi a anpatikilye. Tout lapenn yo chita la.
Sal Nouvèl radyo Montagna ap pwofite lokazyon sa a pou swete bibliyotèk la bòn fèt nan sektè kiltirèl ak Edikatif la nan kominote a.
Maks – Enmbèr Marslen
RTM
