Yon jounalis mouri, Romelson Vilcin alyas Romelo epi Roubens Faustin, PDG “le Cayen Medya/ LCM” blese anba bal polisye nan Lakou komisarya Delma 33 nan mwatye jounen dimanch 30 oktòb 2022 a, se bilan yon masak ajan PNH yo fè sou travayè laprès yo.
Okay, 30 oktòb 2022
Yon semen apre yo jwenn kadav jounalis Gary Tesse ap dekonpoze nan yon raje nan komin Okay epi Roberson Alphonse ki resevwa plizyè bal nan yon tantativ asasinay nan Dèlma 40B, Romelson Vilcin resevwa yon bal nan tèt nan lakou Komisaarya Dèlma 33 jounen dimanch 30 oktòb 2022 a. Li te korespondan pèmanan Radio Generation 80 nan Pòtoprens. Roubens li menm blese nan vant ap pran swen nan yon lopital nan kapital la. Robest Dimanch sou bò pa li ki arete epi mtete nan gadavi resevwa anpil kou nan men polisye yo malgre yo te deja metrize l.
Daprè enfòmasyon yo, jounalis yo te al pote konkou yo bay Robest Dimanche k ap travay nan radyo Tele Zenith lapolis te arete nan Delma 47.
Nan dènye jou sa yo, lè eskadwon lanmò Leta a pa atake jounalis yo se lapolis k ap bat yo, moleste yo oubyen fizye plizyè jounalis detan y ap egzèse metye yo.
Radyo Montagna kondane zak Kriminèl sa yo detan l ap mande pou Direksyon Jeneral PNH la idantifye polisye konplis yo pou yo jije pou zak sa yon fason pou viktim yo jwenn jistis ak reparasyon.
Maks – Enmbèr Marslen
RTM
