Kontrèman ak tout sa fanatik ak espesyalis espò yo te di, ekip Ajantin nan tonbe 1-2 fas ak ekip Arabi Sawoudit bonè maten 23 novanm 2022 a nan kad twazyèm jounen boul mondyal Kata 2022 a pou seri match premye tou yo.
Okay, 22 novanm 2022
Ekip Ajantin nan pèdi premye match li maten 22 novanm nan fas ak Ekip Arabi Sawoudit la 2-1 nan kad twazyèm jounen boul pou mondyal Kata 2022 a. Yon rezilta etonan parapò ak pwonostik fanatik ak analis yo te fè. Sete yon ekip Arabi byen aplike an tout sans, trè fizik. Grenn gòl Ajantin nan se mesi kite make l sou yon pennalite konteste nan 10 zyèm minit jwèt la. 2 gòl Arabi Sawoudit yo make pa S. Al-Shehri 48 tyèm minit epi S. Al-Dawsari 53 zyèm.
Kounye Ekip Messi a nan gwo obligasyon pou l bat ekip Meksik la ak Polòy pou l jwenn yon plas pou kontinye nan konpetisyon an san kè kase. Pwochen match nan pou l sa pral mete fas a fas ekip Meksik la ak ekip Polòy la.
N ap raple ayè apre midi Ekip Peyigal la te fè match nil 1-1 kont ekip Etazini an.
Franndy Lesperance
RTM
