Youn nan bagay ki fasilite dominasyon neyokolonyalis yo sou Ayiti, se paske pwogresis ayisyen yo divize. Chak nèg ki rive rasanble 10 militan nan yon òganizasyon politik, panse l pare pou l vin Prezidan paske l gen posiblite fè pati politik ak 20 moun. Poutan, reyalite pouvwa nan tan modèn yo pwouve ke jere Leta yon peyi anfavè sitwayen yo, mande yon baz politik solid anndan yon òganizasyon disipline, Poukisa?
Anndan difikilte nan lavi tout pèp oprime, sitwayen yo toujou rantre nan pase istorik yo pou jwenn enèji mantal ak fizik pou redrese tèt yo. Ayiti nan malè, èksperyans Inite nan Bwakayiman ki te bay Ravin Koulèv, Krètapyewo ak Vètyè, ekzanp Inite peyizan Grandans anba lidèchip Goman ki te pèmèt peyizan yo reziste pandan 12 lane anfas kriminèl ki te asasinen Desalin yo, dwe sèvi sous enspirasyon e dèksperyans pou tout patriyòt ayisyen jodi a. Ositou, devan agresyon mafya nasyonal ak entènasyonal yo sou peyi a, Inite nan mitan pwogresis ayisyen yo rete sous lespwa pou sove Ayiti. Sepandan solisyon pwoblèm nan la se vre, men kouman pou n aplike l?
Youn nan bagay ki fasilite dominasyon neyokolonyalis yo sou Ayiti, se paske pwogresis ayisyen yo divize. Chak nèg ki rive rasanble 10 militan nan yon òganizasyon politik, panse l pare pou l vin Prezidan paske l gen posiblite fè pati politik ak 20 moun. Poutan, reyalite pouvwa nan tan modèn yo pwouve ke jere Leta yon peyi anfavè sitwayen yo, mande yon baz politik solid anndan yon òganizasyon disipline, Poukisa?
1) Eleksyon lib demokratik pa nan ajennda peyi mafya yo, se oligachi kriminèl la ki chwazi moun pou sèvi enterè yo. Ozetazini kòm anfrans pa ekzanp, se oligak ameriken e oligak franse ki mete Prezidan. Si n manti mande Biden ak Macron kijan yo fè la! Paske toulede te toujou enpopilè. Nan peyi domine yo, mafya entènasyonal la itilize vyolans, pwopagann, koudeta ak fabrikasyon domèstik pou deplwaye sou teren politik yo, pou kenbe pouvwa pou yo. An Ikrèn, an Moldavi, an Jòji ou Taiwan pa ekzanp, se domèstik enperyalis la fabrike lakay li kòm pyon, ke l voye dirije peyi depandan sa yo pou mafya entènasyonal la. Jòji se yon franko-Jòjyèn ki Prezidan, an Ikrèn, Moldavi ak Taiwan se mizerab ki pase nan moul pou sa Ozetazini k ap dirije (Zelensky, Maia Sandu ak Tsai Ing Wen). Se pou sa nan Ikrèn ak Moldavi, Zelensky ak Maia Sandu soti dekrè pou entèdi pati politik k ap pale souverènte pandan Tsai Ing Wen ap goumen ak pati nasyonalis la nan Taiwan. Donk, Djòb domèstik yo se livre peyi yo bay mafya entènasyonal la.
2) Patriyòt ayisyen yo dwe antre nan mitan mas popilè yo, pou konstwi yon òganizasyon solid, demokratik e disipline pou pote revandikasyon pèp la. Òganizasyon an dwe tabli ansanm ak mas yo yon pwogram politik e ekonomik kote y ap reflechi sou strateji pou rive aplike plan sovtaj sa pou retire peyi a nan trou a.
Kidonk, pou repran kontwòl peyi a anba grif kominote mafya a, Inite nan kan popilè a endispansab e l dwe tabli sou yon baz reyèlman demokratik atravè aksyon konkrè ki teni kont enterè nasyonal yo. Nan sans sa a, travay dwe fèt nan mitan patriyòt ayisyen yo, pou yo sispann kwè ak yon ponyen moun sèlman nan rasanbleman nan otèl oswa sou beton an, y ap anmezi rive nan pouvwa a. Travay pou pran pouvwa nan peyi domine e jere l anfavè sitwayen yo, mande plis ke sa paske yon gouvènman grenn 5 p ap ka reziste anba presyon kouran neyofachis k ap travèse oksidan kriminèl la. Yon strikti demokratik, solid, laj e byen òganize se sèl mwayen pou patriyòt ayisyen yo kreye kondisyon pou pote enèji mas popilè yo nan gwo Mouvman sovtaj peyi dAyiti a.
Viv Mobilizasyon Pèmanan Pou Pwojè Nasyonal La!
Viv Inite Nan Mouvman Rezistans Lan!
Libète ou Lanmò.
Komite Rezistans Popilè Benwa Batravil, KRPBB, 26 jen 2023.
Vwa Rezistans Popilè No83
