3 otaj libere, 3 arestasyon ak 17 prezime Kriminèl ap benyen nan san yo se bilan operasyon operasyon chèf Pakè jiridiksyon Koto ak Lapolis mennen nan komin Tibiwon pou deloje yon rezo Kriminèl k ap fè ede fè depi plizyè mwa nan zòn kòt Sid peyi a, samdi pou louvri dimanch 10 desanm 2023 a.
Okay , 11 desanm 2023
11 jou apre mesye ame yo te fin tire, rache, kidnape plizyè sitwayen nan komin Lèzanglè ak Tibiwon yon pa, 10 jou depi yon nouvo Komisè gouvènman, Azor Wadson pran fonksyon nan jiridiksyon sa a, fòs lòd fè yon operasyon pou ta rive kase fè mesyedam ame sa yo.
Nan operasyon sa a, Lapolis di li libere Précia Civil 30 lane, Marie Anotte Trésius 22 lane ak Love Cadet 15 zan ki te nan men bandi yo.
Prezime yo pa senpleman mouri men kadav yo te sibi lòt zak degradan paske anpil nan yo te san tèt. Kilès ki lotè zak degradan sa a? Eske se ajan inite UDMO a oubyen se ta moun nan popilasyon an ki lotè zak sa a?
Nan deklasyon l, komisè Azor Wadson bat bravo pou reyisit operasyon an san bay plis presizyon sou operasyon sa a ki lage gwo kesyonnman nan Depatman Sid peyi a. Pa gen twòp enfòmasyon sou ki kote batay sa a te deklare ni mete yon non sou chak nan fizaj ki tonbe yo.
Daprè yon sous RTM fè konfyans di, akote kèk bandi ki mouri men gen lòt ki tonbe anba bal lapolis, viktim 2 fwa . Paske nan krent egzaksyon òganizasyon Kriminèl sa a sou lavi yo, anpil moun te asepte fè sa yo pa te dwe fè. Se ka 2 jenn fanm ki mouri yo.
Nou ap raple sa pa gen lontan depi lapolis leve Kan oubyen abandone baz yo nan komin Tibiwon Kote se eskadwon lanmò mòd leta a ki arete, jije, bat, kondane, kidnape kou touye sitwayen yo lè yo pi pito. Plizyè kesyon ap poze pou konnen reyèlman pandan operasyon sila anpil moun nan sosyete a kalifye masak?
Yon lòt Kote, lajistis nan jiridiksyon Okay lave epi libere 2 moun kite gen non yo site nan zak assinay jounalis Garry Tesse la. Sou lòd jij Robert Jourdain k ap enstui dosye sasinay la, Guerland Hyppolite ak Wilkens Thirogène aka Pouchon libere samdi 9 desanm 2023 a. Si SOS Journaliste aplodi liberasyon Hyppolite men denonse nan yon nòt pa Thirogène lan. Kisa SOS t ap tann? Nan jwèt sove tikoulout pa yo, dosye asasinay sa a sanble tou bwè luil!
Maks – Enmbèr Marslen (Max – Imbert Marcelin)
RTM
