Nan komin Tòbèk, aprè nèg ame fin asasinen Toutou ensikoni lendi 29 jiyè 2024 la, popilasyon an rive mete men sou 2 prezime kriminèl yo, bimen yo epi remèt yo bay KASEK zòn la daprè yon sous ki enfòme sal nouvèl radyo Montagna.
Okay lendi 29 jiyè 2024
Obéciaire Noël 50 lane mouri sou kabann lopital epi Fanel Sirius 18 lane ap pran swen ka l nesesite aprè popilasyon an te fin woule 2 prezime kriminèl sa yo ki asasinen Toutou nan 3zyèm seksyon kominal komin Tòbèk.
Daprè KASEK Gladys Claude, prezime kriminèl yo te rive jwenn li nan biwo l nan yon eta kritik. Li te vit rele otorite yo nan Lapolis la ki te voye UDMO vin pran yo pou ankèt.
Nan dènye jou sa yo Lajistis ak Lapolis arete: Alexis Alain 37 lane, Nicolas Jameson 34 lane, Bornéus Patrick 34 lane Nicolas Jimmy 34 lane, Bornéus Médaille 67 lane ak Bornéus Dominique 32 lane nan zòn Kanperen ame ak manchèt, revòlvè, oubyen te nan demele ak Lapolis fèmen nan komisarya Okay la sou lòd chèf pousuit jiridiksyon Okay la, Mèt James Jean Louis pou detansyon zam ilegal. Enfòmasyon yo fè kwè mesye ame sa yo gen Nicolas Jimmy kòm chèf eskadwon lanmò sa a k ap fonksyone nan Fèm Leblan.
https://radiotelemontagna.com/plizye-prezime-kriminel-jwenn-arestasyon-yo-nan-depatman-sid-la/
Nan jiridiksyon Okay la si Lapolis ak Lajistis pa double jefò yon pa pa epi popilasyon an pa òganize l yon lòt pa sitiyasyon sekirite a ka vin pi rèd nan plizyè komin Depatman Sid la ak pli fwaye nèg ame sa yo.
Maks – Enmbèr Marslen
RTM
