Etazini-kriminalite: Yon Jenn gason ki gen 18 lane touye ak kout bal 21 moun nan yon lekòl nan eta Tekzas, ayè madi 24 me 2022 a.
Okay, 25 me 2022.
21 moun mouri anba bal pami yo 19 elèv, se bilan nouvo fiziyad la ki anrejistre nan Robb Elementary School ki trouve l nan vil Uvalde, Eta Tekzas madi 24 me 2022 a. Atak sa a lage paran , zanmi ak tout sosyete ameriken an nan gwo lapenn. Prezime asasen an rele Salvador Ramòs. Jenn gason sa a gen 18 lane.
N ap raple semenn pase a nan Buffalo yon jenn gason Ki gen 20 lane te rantre nan yon makèt touye 15 moun pami yo 11 moun nwa. Anpil moun ap poze Kesyon ki kote sa ap rive lè yo konnen anpil eta ozetazini otorize moun pote zam tout kalte kalib san vreman yon bon kontwol sou idantite moun sila yo. Prezime asasen an nan yon mesaj li te poste sou kont Facebook li , non sèlman l pral touye granmè li men egalman li te anonse li pral atake lekòl la 15 minit avan li rive lekòl la , dapre sa Gouvènè Tekzas la, Greg Abbot fè konnen pandan yon konferans pou laprès maten mèkredi 25 me 2022 a . N ap raple asayan an ta pral touche mòtèlman pandan pa lapolis t ap reyaji.
Aprè chak gwo zak kriminèl konsa fin fèt nan divès gwo eta nan peyi etazinyen an, deba sou kesyon pote kou vann zam retounen sou tapi a. Kòm se yon gwo biznis, fabrikan yo peye anpil lajan pou lòbiyis fè gwo pale anpil pou endistri sa a rete anlè nan manman sistèm kapitalis la.
Franndy Lesperance
