Avoka 4 sekirite sa yo: Alcide ST Georges, Doreus Alextangley, Patrick Clervil ak Montimer Jean Michel ki pran mikwo kèk jounalis, jounen lendi 4 septanm 2023 douvan Palè Jistis jiridiksyon Okay la mande pou jij k ap enstwui dosye asasinay fonde pouvwa / jounalis Garry Tesse , Robert Jourdain depòte l sou dosye a.
Okay madi 5 septanm 2023
Jounalis, analis politik, Tesse Garry te disparèt nan dat madi 18 oktòb 2022. Viktim lan te kite lakay li, Kavayon, pou li te ale anime yon misyon politik nan yon radyo nan vil Okay. Kanmarad emisyon yo kou madanm li pat janm gen nouvèl li. Apre jou yo t ap chache l, yo te pral dekouvri kadav li ki te koumanse dekonpoze nan lokalite Foko zòn bakadè , nan dat 24 oktòb 2022. https://radiotelemontagna.com/moun-nan-lokalite-foko-jwenn-yon -kadav-ki-ta-sanble-ak-ko-fonde-pouvwa-epi-jounalis-gary-tesse/ Lajistis ak lapolis te pral sezi dosye a. Te gen 2 moun kite deja arete epi femen nan prizon, gen 4 nouvo prezime asasen yo endekse, ladan yo yon polisye ki monte chif la nan wotè 6. Nou ap raple se depi semenn 25 out 2023 a, chèf pakè jiridiksyon Okay la pa nan peyi a.
Pou kèk obsèvatè, se yon gwo avanse ki fèt. Men toutotan lapolis pa arete yo se pa ko anyen sa. Kote Okay la, pou apre 10 mwa zak Kriminèl lach sa a pou otè ak konplis yo toujou ap paweze nan vil la?
Daprè atik 47 lwa 27 novanm 2007 sou majistrati a gen anpil bagay ki ka lakòz yon avoka mande pou yon jij depòte l sou yon dosye. Pa egzanp si avoka a pa gen konfyans nan jij k ap enstwi dosye kliyan li yo, si l wè jij la gen aktivite li nan dosye an ki si l remake jij la gen lyen fanmi kou zanmi moun moun kliyan li yo gen pwoblèm ak li, pran lajan…avoka a ka mande jij la pou li depòte l nan dosye a. Si jij la krent pou lavi l, li ka deside remèt afè a. Men repò sa a se yon zak volontè li ye. Nan sans sa a avoka ka mande l men jij la deside rejte demand lan.
Sal nouvèl RTM lan pa rive jwenn okenn enfòmasyon sou demach sa ki ta ka ede nou wè si se rekize moun depòte.
Daprè yon sous nou fè konfyans, se tout tribinal avoka 4 akize yo rekize nèt. Jeneralman demand rekizasyon an konn pase. Men y ap tann mo dwayen Tribinal Premye Enstans lan, mèt Jocelyn Lucien. Sa ki sèten, si ak la pase, dosye a pral rekoumanse nan nenpòt lòt jiridiksyon peyi a. Annatandan 2 prezime asasen ki deja jwenn arestasyon yo ap boule prizon pandan 4 lòt akize yo ap kontinye vòlkanize nan larepiblik. https://radiotelemontagna.com/guyler-c-delva-responsab-sos-journalistes-vizite-jounalis-ki-nan-prizon-nan-vil-okay/
Maks – Enmbèr Marslen
RTM
